ప్రకరణము

శ్రీ రామ పరబ్రహ్మణే నమః 

శ్రీ మతే రామానుజాయ నమః 

                          
                                 మన భారత దేశం ప్రపంచంలోనే అత్యంత ప్రాచీనమైన నాగరికతను కలిగియుంది. మన దేశం ఎన్నో రకాల కళలకూ, భాషలకు, సంస్కృతులకు నిలయం. మరి ఏ ఇతర సంస్కృతీ మనకు ఏ విషయంలోనూ సాటి రాదు. మన కట్టూ-బొట్టూ, మన ఆహార-వ్యవహారాలూ, మన జ్ఞాన సంపద, మన ఆధ్యాత్మిక దృష్టికోణం, మన మామిడి పళ్ళూ , మన గుళ్ళూ , ఇంకెక్కడ ఈ వైవిధ్యం , ఇంకెక్కడ ఈ స్వేచ్ఛ?

                                వేదపురాణ్యితిహాసోపనిషత్తుల్లోని ప్రాచీన జ్ఞానం మన ఆలోచనా విధానాలకు ఒక ఒరవడిని అందిస్తాయి. ఎప్పటికప్పుడు మనం ఆయా స్మృతి శృతి శాస్త్రాలను సాయిస్తే మనకు కర్తవ్యబోధ తనంతట తనే అవుతుంది. పాశ్చాత్య సంస్కృతీ సంప్రదాయాల్లో మనం పూర్తిగా మునిగిపోక ముందే మనల్ని మనం మళ్ళీ తెలుసుకుందాము. గతం గతః మా తాతలు నేతులు నాకారు మా మూతులు నాకండి అంటూ ప్రగల్భాలు పలకమన్నది ఇక్కడి ఉద్దేశ్యం కానే కాదు.
మనకు మన పూర్వీకులు ఇచ్చిన అద్భుత సంపదను కాపాడుదాం ఆచరిద్దాం మన ముందు తరాలవారికి మరి కొంచెం మెరుగు పరిచి అందిద్దాం. ఇదంతా ఓల్డ్ ఫ్యాషన్ మాది న్యూ జెనరేషన్ మేమింతే అనే వారికై ఈ బ్లాగు రాయబడటం లేదు. ఇక్కడ ఇవ్వబడిన నీటి వాక్యాలను అలవరుచుకుని తమతమ జీవితాలను మెరుగుపర్చుకునే వారి కోసమే ఈ బ్లాగు.
విదుర, కౌటిల్య, మనువు, సర్వజ్ఞ, వేమన, శ్రీనాథ, తెనాలి రామకృష్ణ వంటి మహాపురుషులేందరో జనించిన ఈ దేశంలో. మనం వారి తత్వాలను పట్టించుకోకుండా అరకొర పాశ్చాత్య  సిద్ధాంతాలకు తలవంచుతున్నాము.
అందువల్ల మనకు తీరేదేమి లేదు. గమనించండి సిద్ధాంతాలు ఆయా ప్రాంతాల భౌగోళిక సాంస్కృతిక అంశాల పై ఆధారపడి ఉంటాయి అంచేత పాశ్చాత్య ధోరణులు మంకు పడొచ్చు పడకపోవచ్చు
ఇక అసలు విషయానికొస్తే ఈ పూర్తీ బ్లాగును నేను మా అమ్మగారి కులోద్ధారకుడు అయిన తెనాలి రామకృష్ణ వారి కథలకు సమర్పిస్తున్నాను